गाहाय रादाब

आसाम थागिबि हा 2019 बिमा सक्तिनि (Policy) आद्रा

 

गुवाहातिः समबार खालाराव आसाम हादोद गुमुर खथाया (Cabinet) आसाम थागिबि हा 2019 (Policy) बिमा सक्ति मावफुंनि सायाव हमदांखांदों। जाय बिमा सक्ति (Policy) नि मावफूं खामानिआव माखासे एंगारहायै बिथिंफोरखौ मावनायजों लोगोसे गोनांसिनै आसाम हादोदनि थागिबि सुबुंफोरनि हा नि थाखाय बांसिनै गोनांथि होनाय। खेब से मोन्थिहोनाय बादिब्ला गोदान बिमा सक्ति (Policy) खौ 1989 माइथायाव सोरखारजों दाना लाजानाय ‘आसाम हा बिमा सक्ति’ (Assam land Policy) नि सोलायै मावफुंनाय जागोन।

जेयानो जाया मानो गोदान बिमा सक्ति (Policy) आ होखानाय समबादि थागिबि सुबुंफोरनि थाखै खामानि मावनायखौ नुनो मोननाय जायाखै। बैफोर समनिफ्रायनो बेफोरनि सायाव सोंथिफोर उजिखांनाया जोबनो थाङाखै, हादोदनि थागिबि सुबुंफोरा सोर जानो हागौ? जायनि थाखाय बे मोन्थायाव माबे माबे हारिआ थानो मोनगोन बेखौ मोन्थिहोनाय जायाखै। बेफोरबादि सोंथिफोर उजिदों।थागिबि हा 2019 बिमा सक्तिनि (Policy) रेबजनखौ नोजोर होना गाहाय मन्त्रि मावखुलि, रेभिन्यु एन्द दिजास्तार सामलाय बिफाननि (Revenue and Disaster Department) गिबि थाखोनि मावखुलिनि मावथिमोना गोथौवै गोनांथि होदों।

बे रेबजन फोरमायथिखौ बिथा खालामना आसाम थागिबि सुबुं हा मोन्थाय रैखाथि आफा (Committee for protection of land rights of the Indigenous people of Assam) दा हादोरनि आगु गाहाय बिसायखथि बिथोनगिरि (Election Commissioner) हारि संखार ब्रह्म बिथांखौ लाननै दाफुंजानाय 1989 (Land policy of 1989)नि हा बिमा सक्तिनि आरो रेबजन 2016 नि हा बिमा सक्तिनि (Land policy of 2016) हा बिमा सक्तिनि दानायखौ गनायो। ब्रह्मनि आफादा 2017 नि फेब्रुआरि दाननि 6 अक्त खालाराव आसाम सोरखारनिसिम बे खामानिखौ मावफुंनायनि गनायथिखौ मोननो थिसननाय जादोंमोन। बे फोरमायथिखौनो 2018 नि जानुवारि दाननि 18 आव हादोदनि सोरखारनो गथायनाय जायो होनना मोन्थिहोदों।

रेबजननि उनाव आसाम थागिबि हा 2019 (Policy) बिमा सक्ति मावफुं खौ रेभिय्नु बिफाननि गेजेरजों मोन जिसे हादोर सोरखार बिफानारिफीर नागिरनायनो बे खामानिनि सायाव जाफुंदों जाफुंआखै बेनि मोनथिहोनो गोनांखौ लाना हा
बिमा सक्ति नि सोमनदै फोरमान हरो। बेराफारसेथिं गुबुन बिफान जेरै नआरि आरो राजखान्थियारि (Home and Political) ,आबादारि (Agriculture), अरननारि(Forest), रांआरि (Finance), दारिमिनारि (Industrial), गुवाहाति जौगाथाय बिफान (Guwahati Development Department), आरो नौ-नोगोरारि (Urban Development) बिफान फोरनो फोरमायनायजों लोगोसे लदिन्थायै दैथायहरनाय जाबाय होनना मोनथिहोयो। नआरि आरो राजखान्थि (Home and Political) बिफानफोरा बे खामानिखौ गोनांथि आरो मावफुंनांगोनि थाखाय फोरमायदों। नआरि बिफाना फोरमायबावोदि बिमा सक्तिनि हाबाफारि बादियै 1951 माइथायनिफ्राय थिसनजानाय हादोदारि थामोनथा फोरमानबिलाय (NRC) थागिबि सुबुंफोरनि थाखायबो सोफानाय जाथों जायफोरहा हारि, थाखो,धोरोमनि फोरमान बिलाइफोर दं ।

रेभिन्यु एन्द दिजास्तार सामलाय बिफाना हादोद नआरि आरो राजखान्थि( State Home and Political Department) बिफाननि फोरमायनायाव बाथ्राफोरखौ दैखांना लानाय जायो। हादोरारि रेभिन्यु एन्द दिजास्तार सामलाय (Revenue and Disaster Department) बिफाना बुङोदि बिफाननारिफोरा बेफोरनि सायाव नोजोर लाखियाब्ला खामानिफोरा जाफुंनो हानाया गोब्राब बेखौ मोन्थिहोदों।

 

Also Read: आसामनि सावथुन फैसालियाव आमीस सावथुना 22 नबेम्बराव उदां जागोन

Also Watch:  Self Reliant Farmers from Titatbor