Guwahati : दासिमहालागै गोजौ सोलोंसालिफोराव आइजो जिनाहारि दबथाय आफाद दानायखौ नुनो मोनैलाय गोजौसिन सोलोंथाय बिफाननि सामलायगिरिया (DHE)
गासै मोनडाइन मुलुग सोलोंसालि आरो कलेजफोराव थाबैनो आइजो जिनाहारि इनाय खामानिखौ दबथायनायजों लोगोसे आइनजों साजा होनायनि मोनसे गोख्रों आफाद दानो थाखाय लाइजाम हरो। माबेबा सोलोंथाय सालियाव बेफोर आफादखौ दाबायब्लाबो माखासे सोलोंसालिफोराव बेफोरखौ नोजोर होआखै आरो गाहायै मुलुग सोलोंसालिफोराव जायाखै होनना DHE आ बुङ़। बेखौबो फोरमायोदि गोजौ सोलोंसालि आरो मुलुग सोलोंसालिफोराव जिनाहारि खाआमनायनि सोंखारिथाय मोनोब्ला बेफोर खामानिखौ बै आफादफोरा थाबैनो फिन साजानि थाखाय राहा लानांगौ।
बे माइथायनि थांनाय जुन दानाव भारतनि खुदिया आरो आइजो जौगाथाय बिफाननि मन्त्रि स्म्रिति ईरानि बिथाङा हादरनि जायखि जाया जायगायावनो आइजो माहारिनो राङारि आरजिनाय खामानिफोराव बाहागो लानो खाबुखौ होगोन होनना आसामनि गाहाय मन्त्रि सरबानन्दा सनुवालनो लिरना हरदोंमोन.बेखौबो लिरबावदोंमोनदि जिनाहारिनि इनाय खामानि आरो उदां नङैनि थाखाय गिनायजों जायखि जाया खामानिफोरावनो उनफिनना दं होनना।
मोनफ्रोम खामानिथिलिफोराव जिनाहारि इनाय खामानि होबथा आयेनजों लोब्बा लाखिनानै गासै मावथिलि एबा मावखुलिफोराव खमैबो सा 10 मावथिफोर थिसननानै आंगो इसिं आफादखौ दानांगौ आरो हादर जिल्लानि ओनसोलफोरावबो आइजो जिनाहारि होबथा खामानिनि थाखाय जिनाहारि होबथा आफाद दानांगौ।
ईरानि बिथाङा लाइजामाव बेखौबो बुंबावीदि बे खामानिखौ मावफुंनो नांगौआ जोबोद गोनांथार होनना। बेजोंनो बेखौबो आसाम मन्त्रि सनुवालनिसिम खावलायो दि बे हाबा फारिनि सायाव गोख्रों नोजोर लागोन आरो सोलोंसालि मावथिलि,मावखुलिफोरजों लोगोसे गुबुन गुबुन ओनसोलफोराव हारि हारिसाफोरनि आंगो इसिं आफादफोर दानांगौ होनना बुङी।
