Top
undefined
Begin typing your search above and press return to search.

बि टि सि नि सोलोंथाइ बिथोनगिरिनि मावख' लांगोनायाव मिड डे मिलनि आदार संग्रा आयजोफोरा सोमावसारदों

बि टि सि नि सोलोंथाइ बिथोनगिरिनि मावख

Sentinel Digital DeskBy : Sentinel Digital Desk

  |  9 Nov 2019 8:17 AM GMT

KOKRAJHAR: आसाम सोरखारा गुबुन गुबुन जिलानि फरायसालियाव संनाय खावनाय खामानियाव नांथाबना थानाय आयजो ओंखाम संगिरि आरो मदद होगिरि आयजोफोरनि खामानिखौ एन जि अ खौ गथायनायनि हेंथायै गोख्रों सुबुंदारारि सोमावसारनायखौ जोबथारनानै थांङाखै।

मख'जाथावदि हादोरसानि दाब दाब जायगायाव खुंनाय बादि बर'लेण्ड हायुंआरि गौथुम (Bodoland Territorial Council) नि गाहाइ सदर थावनि (HQ) कक्राझार जिलानि सिङाव थानाय गुबुन गुबुन गुदि फरायसालिनि सानजौफुनि आदार संग्रा खावग्रा खामानि मावबोनाय आयजो संगिरि फोरा बि टि सि नि सोलोंथाइ बिफान (BTC Education Department) नि बिथोनगिरि मावख'आव गोख्रों हेंथा खालामनानै इउनियन आफादनि हांख्राइनायाव बि जे पि सोरखारनि हेंथायै खुद्रिसारनाय दिन्थिफुंङो।

15 बोसोर गुदि फरायसालियाव सानजौफुनि आदार संनाय खावनाय हाबायाव नांथाबना थानानै खामानि मावबोनाय आयजो फोरखौ हादोरसानि बि जे पि सोरखारा गुदि फरायसालिनिफ्राय हरखाबै बोखांनो नाजानायनि हेंथायै बि टि सि नि सोलोंथाइ बिफाननि बिथोनगिरि मावख' लांगोनायाव गोख्रों सोमावसारनाय हाबाफारि दिन्थिफुंङो।

खौरांगिरिजों जानाय मुगा मुगि बुब्लियाव बि टि सि नि गुबुन गुबुन गुदि फरायसालियाव संनाय खावनाय खामानियाव नांथाबना थानाय आयजो ओंखाम संगिरि आरो मदद होगिरि आयजोफोरनि गौथुम नि आफादगिरि गलापि भरालि बिथाङा बुंदों दि संनाय खावनाय खामानिखौ एन जि अ खौ गथायनायखौ लानानै आसामनि सोलोंथाइ बिफाननि मन्थ्रि सिद्धार्थ भट्टाचार्य बिथाङा फोरमायनाय खोथाया जोंखौ खामानियाव थिसन्नायनि जानगाराव थालांदों। मानोना जों फिन आगोलाव संनाय खावनाय खामानियाव थिसननो हागोन ना हाया। बे खामानिखौ सोरखारखौ हरखाबनो थांखि आजावनायजों ब्लद गावारि खोन्दोनि एन जि अ खौ गथायनायखौ बन्द खालामाब्ला जों फिन सुबुंदारारि खान्थि मानिनानै सोमावसारनाय दिन्थिफुंगोन होन्ना हुमखि होयो।

रायखांनो गोनां दि जोंनि गांनाय उखैनाय, मिजिं हास्थायनायखौ गोसो गोर्बोजों आजावनानै हरखाबनो गुदि फरायसालियाव संनाय खावनाय खामानियाव नांथाबना थानाय आयजो आरो मदद होगिरि आयजोफोरनि हेंथायै थांखि लानायखौ फिन गोथौयै नायबिजिरनांगौ आरो जोंनि खम रां बान्थानि साख्रिखौ थिसननो राहा लामा गनायथि होनांगौ होन्ना दाबि दैखाङो।

रायखांनो गोनां दि गोख्रों सोमावसारनाय हाबाफारिनि गेजेरजों सानजौफुनि ओंखाम संनाय खावनाय आयजोफोरा आसाम सोरखारनि खाथियाव दाबि दैखाङो दि जुदिसो हादोरसा सोरखारा जोंनि दैखांजानाय दाबिखौ गोसो गोर्बोजों सान्नानै लायाब्ला गोख्रों निफ्राय गोख्रों सिन सुबुंदारारि खान्थिजों सोमावसारगोन होन्ना हुमखि होयो।

Also Read : गोदान मोननै जिला आरो महकुमा दाफुंनायनि थिरांथाया दिन्दां जानानै दं

Also Watch: 83rd Raas Mahotsav Celebrations to begin in Nagaon’s Kampur from Nov 11

Next Story