मिडडे मिल संग्रा आरो खामानि मावग्राफोरा सोरखरनि सायाव हेंथायै सोमावसारदों
धुब्रिः बृहेसप्तिबार खालाराव जौसे ओंखाम संग्राफोर आरो खामानि हेफाजाब होग्राफोर गथायसे जानानै फरायसालिनि मिडडे मिल संनायनि सायाव फोरसाव बेनारजों धुबुरि जिल्लानि दालाय आफाद दुलाराय आसाम मिडडे मिल मावगिरिफोरा चिटु (CITU) नि गेजेरजों हादोरसाया मिडडे मिल संनाय खुरनायखौ एन.जि.अ (NGO) नो गथायना होनो थांनायखौ होबथानयनि हेंथायै धुबुरि जिल्लानि सिंआव थानाय रुपसि जायगायाव सोमावसारदों।
इउनिवन दैदेनगिरिफोरा बेखौनो सोंखारिदों जायनि थाखाय मिडडे मिल खामानि मावग्राफोरनो संग्रा आरो हेफाजाब होग्रानो 1,000 रांल होयो आरो बेबो बोसोराव 11 दानसिमनिल मोनो।
हादोरसायाव खमैबो 1.75 लाख सुबुंफोरा मिडडे मिल संनायजों लोगोसे हेफाजाब होग्रा फोरा सोरखारनि फरायसालिफोराव खामाननि मावसुमगासिनो दं, नाथाय इउनिवना बेखौसो दाबि दैखाङो जायनि थाखाय बिसोरनि गोलाव सम मावबोबाय थानायबादियै 18,000 रां बिसोर मोननांगौ। जायनि थाखाय दाबिनाया बेनो, दा मिडडे मिल खौ एन.जि.अ (NGO) नो गथायनो नागिरनायनि गेजेरजों सोरखारा बिसोर मावगिरिफोरखौ खामानिफोरनिफ्राय बोखारनो नागिरदों, जाय खामानिआ मोनसे इनाय खालामनाय जादों" होनना जय प्रकास माजुमदार बिथांआ बुंदों।
बिथांआ बेखौबो गोख्रोङै बुङो सोरखारा मिडडे मिल संनाय राननायखौ एन.जि.अ (NGO) नो होनो आखाव लानायखौ बोखांफिनना लायाब्ला आरो फारसेथिं रां बेथंननि दाबिनायखौ होनो गनायना लायाब्ला बेनि हेंथायै सोमावसारनाया सोलिबाय थागोन होनना फोरमायदों।
बेरा फारसेथिं धुबुरि जिल्लानि एस.इउ.चि.आइ (SUCI) आफादा धुबुरि जिल्ला बेंगिरिनि मावखुलि मोखांआव थांनानै बिसोरनि मोन्द मिरु खौ लानानै हादोरसानि गाहाय मन्त्रि सरबा नन्द सनुवालनिसिम जिल्ला बेंगिरिनि गेजेरजों गोसोखां बिलाय गथायदों।
मोन्द मिरु चनद दाबिनायखौ लाफानानै धुबुरि पाराघात (धुबुरि जिल्ला पारिचद पइन्ट) निफ्राय गरिपुरसिम लामाजों लोगोसे माथावरि बानायनो, धुबुरि नोगोराव बिगियानिरि आदबै दै बोहैग्रा नाला बानायनो, एल.पि.जि. सिलिन्डारफोरखौ नखर नखर रानना हैनायनि राहा खालामनाय आरो गुरु टेग बाहादुर लामाया सेराव थानाय हेपि कनभेन्ट परायसालि नि सेराव ट्राफिक जानाय फोरखौ मोजाङै सामलायनायनि थाखाय खामानि मावनांगौनि सायाव बिथा खालामना सोमावसारदों।
Also Read: माजुलिनि र’-र’ बेसेनगोसा जाहाजआ दा ओरैनो गोग्लैसोना दं
Also Watch: Nagaon villagers lured by two in the name of Pradhan Mantri Kushal Vikas Yojana
