गाहाय रादाब

“नेडा ” नि लोगो दोलोफोरा ज’यै जौगानाय खामानि मावलांगोन

नेडा

 

गुवाहाटी, 9 सेप्टेमबर : सा-सानजा सुबुंदारा गौथुम सुंद’यै “नेडा ” नि लोगो हान्जानि दैदेनगिरि मोना जौगाखां खामानि मावनायखौ लुबैनानै फोरमायो दि गासैबो रोखोमनि जेंना आरो सा- सान्जाखौ  भारतनि दाबसे  जौगाखां ओन्सोल महरै गायसनलांनाय।

नेडानि ब्रैथि जथुम्मायाव लिंथुमगिरि अदेबानि आसाम नि देहा सावस्रि बिफाननि मन्थ्रि ड° हिमन्त बिश्व सर्माया बुङो बेयो जों बयनिबो थाखाय मोनसे जारिमिनारि बुब्लि जेराव सा सान्जा राज्योनि सासेबो कंग्रेसनि गिबि मन्थ्रि गैयिलासे गंसे जौस्रांआव ज’ जाफिन्नो हादों। आं दासिमावबो गोसोखांङोदि जेब्ला इं 2016 माइथायाव बुहुमनि देरसिन राजखान्थि दोलो महरै ग’नायजानाय भारतारि जनता पार्तिया दुलाराय सा-सानजा राज्योखौ कंग्रेस खुंथाइ उदांं खालामनो थांखि लादोंमोन ।   बिथांनि थिरांथा बादियैनो दिनै ” नेडा ” मुंनि राजखान्थि गौथुमनि जोनोम जायो आरो थि थांखि लानाया मोगथांङाव महर मोननाय फिथाय बादियै दिनै सा-सानजा राज्योआव कंग्रेस- गैयि खुंथाइ गायसनलांनो हादों होनना आसामनि रांङारि बिफाननि मन्थ्रि ड° हिमन्त बिश्व शर्मा एरैबादि बुंथियो। “नेडा” या मोनसे देरसिन राजखान्थि जौसां जाय सा-सानजा ओनसोलाव इं  2016 माइथायाव जोनोम जादोंमोन।

सा-सानजा नि राजखान्थि मन्स “नेडा” नि लोगो राजखान्थियारि हान्जाया गं 8 राज्योआ खुंथाइ खुंबोजेननिफ्राय बयबो ज’यै खामानि मावलांदों सिगां फार्से आवगायलांदों। बेनो जोंनि थाखाय ज’यै खामानि मावनाय सम , जेंना बोस्रांनाय आरो लाइमोन गथ’फोरखौ फेग्रा मुवा बेसाद जों जुजिनांगोन होन्ना नेडानि लिंथुमगरि ड° सर्माया बुंथियो।

नेडानि जथुमाव बाहागो लाना लोगो हान्जानि दैदेनगिरि मेधालयनि गिबि मन्थ्रि कनराड सांमाया बुंदों दि नन कंग्रेस दोलोखौ सुबुं माहारिया गोगो आरो गोजोन राजखान्थियारि आबहावा सोरजिनो खाबु होदों ओंखायनो बायदि बायदि आजावनाय बिथांखिनि सायाव खनसेनि बारा खौरां लाहैनो नेडानि दैदेनगिरिमोनखौ खावलायो। लोगोसे सिक्किम नि गिबि मन्थ्रि याबो नेडानि जथुमाव बाहागो लानानै बायदि बायदि नुजानाय चेलेन्जनि थाखाय ज’यै मावलांनो खावलायो।

मख’जाथावदि मिरुनि न’खर बिफाननि मन्थ्रि अमित चाहया नेडानि जथुमाव बाहागो लानानै फोरमायो दि नेडाया राजखान्थियारि गौथुम नङा बेयो हारिमुवारि सिनायथि नि गेजेरजों कंग्रेस गैयि सोरखार दाफुंनानै सा-सानजा राज्योखौ खौसेथि नि दौलेजों सिगांहोनाय आरो दावगानायनि लामायाव गायसंनाय।

मिरुनि  खुंथाइ गोहोयाव गसंनाय बिजेपि दोलोआ सा-सानजा ओनसोलखौ नोजोर लाखिना बुंदों दि सा सान्जाया भारत हादोर  जौगासारनायनि गोदान इन्जिन। बेखौ सा-सानजा राज्योआ नुजाबाय थानाय जेंना जेंगोना आरो चेलेन्जनि सायाव गोनांथार बिफाव लानांगोन।

बिथां चाह आ बुंदोंदि नेडाया सा-सानजा राज्योआव बोसोरफ्रोमाव जाफ्लेबाय थानाय दैबानानि जेंना सुस्रांनाय आरो दावबायनाय खोन्दोखौ जौगानाय गासैबो बिथिंनि सायाव राहा लानांगौ। राज्योनि सिमा गेजेरारि जेंना, सुबुं खारखोमालांग्रा दुथां आरो आयेन बेरेखायै हाथियार लांग्रा सा-सानजा राज्योनि गेजेरजों रोगानाय होबथानो नांगोन होनना बुंथियो।  आसामनि रांङारि मन्थ्रिया बुंङो दि इं 2022 नि गेजेराव राज्यो गेजेरारि सिमा जेंना सुस्रांजागोन होनना सा-सानजा राज्योनि गिबि मन्थ्रि खौ सिमान होयो।

 

Also Read: मिरुआ काश्मिर निफ्राय बोख्लायनाय बादि दफा 371 नि सायाव जेबो राहा लाया : अमित चाह

Also Watch: Elephant Conflict in Samuguri | The Sentinel News | Assam News