आसामाव कार्डनि गेजेरजों गोदान महरनि एल पि जि फोनांजाबनाय जागोन

Guwahati: आसाम हादोरसायाव फालांगियारि बिथायाव इक' फ्रेन्डलि अदेबानि आबहावाखौ खहा खालामै गोदान गेस बिथांखि गायसननाय जागोन। बे मावबिथांखिया ट्रेडिस'नेल एल पि जि सिलिन्डार खम बेसेन बिबांनि, बे संग्रा गेस सिपेस्ट मडाव मोनगोन। रायखांनो गोनां दि बे गोदान मावबिथांखिया भारत हादोराव गिबि खेबनि थाखाय फसंनाय जादों, बेखौ गाहायै दमेस्टिक एबा नख'राव संनाय खावनायाव बाहायनाय जादों। बे गेसनि मुङा मिथानेल गेस। बे बिथांखिनि म'डखौ आसाम पेट्रकेमिकेल लिमिटेड (Assam Petrochemical Limited) खौ जुन्थियारिनि जोहै सैइडेन दिन्थिनाय जादोंमोन। मख'जाथावदि आसाम पेट्रकेमिकेल लिमिटेड सानफ्रोमबो 100 टन मिथानल दिहुनथाइ (Production) होयो।

दि सेन्टिनेल खौरांलाइजों जानाय मुगा मुगि बुब्लियाव आसाम पेट्रकेमिकेल लिमिटेड सुंद'यै ए पि एल नि मासिगिरि (Chairman) जगदीश भुञा बिथाङा बुङो दि बे सैइदिस मडेलनि बिथायाव बानायनाय सिलिन्डार गेस 2 के जि गिलिर गोहोनि । बे गेस सिलिन्डार दासिमाव सोलिबाय थानाय एल पि जि सिलिन्डार गेसनिख्रैइ आलादा महरनि।

दासिमाव जों बे बिथांखिखौ गाहामै गाहाम सामलायनो थाखाय माखासे ओनसोलाव बाहायनाय जादों। जोबोद खम बेसेनाव ग्राहकफोरखौ होहरनो आगान सुरदों। खालि बिउर' अफ इन्डियान स्टेनडार्ड नि गनायथि मोन्नायाव लामायाव दंसै। जों बे मावबिथांखिखौ फैगो 2020 नि जानुवारि दानाव हाथाय बाजाराव फानहरनो उदां खालामनाय जागोन।

जगदीश भुञा बिथांआ दाजाबदेरनानै बुंबावो दि मिथानल गेस बाहायनायाव गोबां प्लास पइन दं। बेनि अनगायैबो बे गेस सिलिन्डार बाहायनाया रैखाथि गोनां, आबहावाखौ खहा खालामा आरो बे गेस सिलिन्डार बेरफ्रुनायबो जाथावनाय नङा। लोगोसे बेनि मोनसे सुबिदाया जादों बे नै के जि गोनां लिरथायनि गेस सिलिन्डारखौ नोंथांनि गोसो खुसियै जेराव मेराव रोगालांनो हागोन।

बे मावबिथांखिनि गेस सिलिन्डारखौ फारफ्रोमबो जायगायाव गुवारै रानदिंलांनो थाखाय राहा लानाय जागोन। बेनि गोदानै गेस सोग्रोनाय (Refilling Process) जोबोद गोरलै। नोंथाङा काउनटाराव सोलाय सोल' एबा एक्सचेन्स खालामब्लानो गेस मोनफिन्नो हासिगोन।

मख'जाथावदि आसाम पेट्रकेमिकेल लिमिटेड सुंद'यै ए पि एल नि फुंखा (Sources) याव फोरमायनाय जादों दि साबा सोद्रोमा गोनां गंसे नख'राव बे गेस बिथांखिया दान मोनसेयाव 300 रां सोहरनानै सुबिदा लानो हागोन।

मिथानल गेसखौ रानस्रावनाय साहा बिलाइनि गिबि गिबियै ट्राइलनि बिथायाव बाहायनाय जागोन। दासिमाव साहा बागानफोराव बिलाइफोरखौ रानस्रावनायाव पेट्रल, डिजेल आरो मिथिंगायारि गेस बाहायनाय जायो। मख'जाथावदि मिथानल गेस बाहायनाया आबुङै इक'फ्रेन्डलि अदेबानि आबहावाखौ खहा खालामा आरो बेसेन गोसा महरनि । मोनसे फोथायथाव सुलुंनिफ्राय मोनथिनाय खौरांनि बादिब्ला खर'सा आसामनि डिब्रुगड़ जिलानि साहा बागानाव बाहायनाय जासिगोन।

Also Read :सा-सानजा हालामाव केनसार बेरामा जब्रानि थाखाय गिख्रंथाव रांखान्थियारि महर लादों : मुम्बाइनि टाटा मेम’रियेल सेन्टार

Also Watch: Contract based laboureres at IOCL staged hunger strike in front of General Office, Digboi