Begin typing your search above and press return to search.

कार्बि गावखुंथाइ गौथुमनिफ्राय मोनबो गोहो लानाय जाथ'वाखै : तुलिराम रंहां

कार्बि गावखुंथाइ गौथुमनिफ्राय मोनबो गोहो लानाय जाथवाखै : तुलिराम रंहां

Sentinel Digital DeskBy : Sentinel Digital Desk

  |  15 Nov 2019 12:20 PM GMT

Donkamukam : कार्बि आंलं गावखुंथाइ गौथुम (Karbi Anglong Autonomous Council) नि सिङाव थानाय गुबुन गुबुन बेरेखा राजखान्थि दोलोनि दैदेनगिरि मोना गोहो रानसारनाय बेलायाव लोरबां गोसोजों खामानि मावलांदों होन्ना दैखांनाय अ'जदनि सायाव गाहाइ मावफुं सोद्रोमा (Chief Executive Member) तुलिराम रंहां बिथांआ फिन्नाय होहरनानै बुंथियो दानि गावखुंथाइ गौथुमा जोबोद गोख्रों महराव दं। नैबे बेरेखा दैदेनगिरिनि बांसावनाय खौरांसो।

सा-सानजा हादोरसानि सिङाव थानाय द'थि फारिलायाव गनायथि मोन्नाय गुबुन गुबुन गावखुंथाइ गौथुमनि बादि कार्बि आंलं गावखुंथाइ गौथुम (KAAC) आ जोबोद गोख्रों महराव दं आरो हादोरसा सोरखार (State Government) नि गोहो मोनथ'वाखै होन्ना बुंथियो। दानि गावखुंथाइ गौथुमा सिगांनि रुजुनायाव बुर्जा बिबांनि रां बायदि बिथिंआव बाहायनाय जादों आरो गौथुमनि बेन्दोंआव थानाय गंफ्रोमबो खना खनलायाव राज्यो-राजानि थाखाय जौगाखां खामानि गोसारहोनायनि गेजेरजों दावगालांनायनि जांख्लायाव गाखोनो हादों । जेराव गोख्रों खुंथाइ दैदेननायाव मोनफ्रोमबो खनायाव जौगालु खामानियाव एसेबो रां जाख्ल'नायनि जाथाय सोमजियाखै होन्ना बृहस्पतिबार खालि जथुमनाय गंसे सुबुं थुबुरमा (Public Meeting) याव गोमजोरै बुंथियो सि इ एम तुलिराम रंहां बिथांआ।

जिलानि सिङाव थानाय गुबुन गुबुन बेरेखा राजखान्थि दोलोनि दैदेनगिरि सोंखारिनानै बुंथियो दि बिसोरो गावनि राजखान्थियारि गांनाय उखैनायखौ सुफुंनो थाखाय राजखान्थि गेलेदों, लाइमोन लेखा गोरों-गोरा बिजाथिफोरखौ थुलुंगाखांहोनानै गावखुंथाइ गौथुमखौ लोरबां खालामनो नाजादों होन्ना बुंथियो। नाथाय राज्यो-राजाया बेफोरनि जानगाराव थानानै गोजोन थासारि आरो खौसेथिनि लामा गिनायलासे जिउ खांनो सुबुरुन होयो। जेराव गिनायनि खोथा गैया, जिलानि सिङाव थानाय राज्यो-राजानि जेंना जेंगोनाखौ गोथौयै नायबिजिरगासिनो दं होन्ना बुंथियो।

मख'जाथावदि बै सुबुं थुबुरमायावनो प्रधान मन्त्रि उज्जला योजना सिङाव मोन 135 नख'रारिखौ संग्रा गेस रान्नाय जायो। लोगोसे आइ पेड जायगायारि दैदेनगिरिफोरखौ अपइमेन्ट लेटार रानहरनाय जायो। बिथुं रेंमाथा बियाबनि दैबानानि हालाय हाफाय भुगिनानै खहा जालांनाय सुबुंफोरखौ रांआरि अनसुंथाइ रानहरनाय जायो।

Also Read: उदालगुरिआव नाबार्दनि ट्राइबेल खौसेथि जौगानाय हाबाफारिआ गायसनजाबाय

Also Watch: Congress Party stage protest in Tinsukia wearing garland of Potatoes and Onions

Next Story
गाहाय रादाब