गुवाहाटी, सेप्टेमबर :: हादोरसायारि नोगोरारि सोदांनाय फारिलाइ सुंद'यै एन आर सि नि मावख'वा 14 सेप्टेमबरनि गेजेरावनो कनसलिदेट एन आर सि फोसाव जागोनखौ मिथिहोयो। मख'नो गोनांदि झबेयाव सानजाथाव आरो सानथावयि सानजानाय गासैबो आर'ज गाबगिरिनि मुं फोलेर फारि बादियै थाफागोन। सा 3,30,27,661 (सा 68,37,660 नि आर'ज गाबनाय जोहै) नोगोरारिया जोबथा नोगोरारि सोदांनाय फारिलायाव गावसोरनि इं 2019 माइथायनि 31 आगष्ट आव फोसाव जानाय फारियाव मुं थिसननो आर'ज गाबदोंमोन। नाथाय
बेनिनो सा 3,11,21,004 खौ नोगोरारि सोदांनाय फारिलाइ नि फारिलायाव हाबहोनायाव इलिजिबुल सानजादों आरो सा 19,06,657 या इनइलिजिबुल महरै फोसावजादों। नोगोरारि सोदांनाय फारिलाइ निफ्राय मोननाय फोथायथाव फुंखानि बादिब्ला कन्सलिदेटेद एन आर सि खौ अनलाइन मदआव नुनो मोनगोन आरो सुबुं माहारिया गावसोरनि मुं नायनो थाखाय एन आर सि नि मावख'वारि वेबसाइटाव नायनो हागोन। एन आर सि नि बिबानगोरा मोना मिथिहोयो दि जोबथा नोगोरारि सोदांनाय फारिलाइ फोसाव जानाय नि उनावसो साप्लिमेनटरि फारिखौ मोनहैसिगोन। मख'जाथावदि गोबां राज्यो राजानि फ्राय दाबिनाय आरो अजद दैखांनाय नुजादों। आबुं नोगोरारि सोदांनाय फारिलाया इं 2019 माइथायनि 14 सेप्टेमबर आवनो अनलाइन महराव नुनो मोनगोन सुबुं माहारिया।
नोगोरारि सोदांनाय फारिलाइ नि मावख'गोराया मिथिहोयो दि इलिजिबुल सानजानाय आर'ज गाबगिरिनि फारि थाबैनो फोसावनाय जागोन। जोबथा नोगोरारि सोदांनाय फारिलायाव गनायजायि सार्टिफाइद कपिबो सुबुं माहारिनि फ्राय मोननाय जादों। नोगोरारिफ्रा नोगोरारि फारिलाइ मिरुआव ( एन एस के) फोसावनाय हेयारिं खालामनायनि सायाव जेब्लाबो सांग्रांथिया दंमोन। बेराफारसे थिं, इं 2018 माइथायनि 30 जुलायावनो सा 2,89,83,677 नोगोरारि सोदांनाय फारिलाइ नि आर'ज गाबगिरिनि मुं थाफानाय द्राफ फारिया फोसावजादोंमोन। बेनि उनाव सा 36,26,630 दाबिग्रा दानजानाय सुबुंनि मुं खारि मोननाय जादों। हादोरारि सिनायथि कार्ड फोसाव आरो नोगोरारि रेबथुम बिफान दफा 4 (3) नि सिङाव बाहिर जानाय सुबुं खौ गोथौयै नायबिजिरनाय खान्थि खौ सामलायनाय जागोन। आरो जोबथा द्राफ नोगोरारि सोदांनाय फारिलाइ याव सा 1,87,633 निफ्राय अजद मोननाय जादों। मख'जाथावदि उफ्रा एक्सक्लुसन लिस्ट 2018 माइथायनि 26 जुनाव फोसावजादोंमोन जेराव सा 1,02,462 नोगोरारिनि मुं हाबजायाखैमोन।
Also Read: नोगोरारि सोदांनाय बिला थागिबि सुबुं फोरनि जेबो खहा खालामा : अमित चाह
Also Watch: AHSEC to carry out drive against Private Junior colleges in State | The Sentinel News | Assam News