Top
Begin typing your search above and press return to search.

सि ए ए खौ ए जि पि आ हेंथा खालामनायनि थांखियै सुप्रिम कर्टाव आरजलाइ होदों: फुनि भुषन चौधुरि

सि ए ए खौ ए जि पि आ हेंथा खालामनायनि थांखियै सुप्रिम कर्टाव आरजलाइ होदों: फुनि भुषन चौधुरि

Sentinel Digital DeskBy : Sentinel Digital Desk

  |  9 Jan 2020 10:13 AM GMT

GUWAHATI : राज्योनि सोरबिथिं नोगोरारि सोदांफिन्नाय आइननि हेंथायै नागारनाय गैयि जासे सोमावसारनाय हाबाफारिया सोलिगासिनो दं लोगोसे समान समानै असम गण परिषद दोलोनि दैदेनगिरिफोरनि गेजेराव सिंङारि नांलायनाया (Internal Clash) सोलिबाय थादों। बे समावनो गिबि मन्थ्रि (Chief Minister) सर्बानन्द सन'वाल दैदेननाय हादोरसा सोरखारनि लोगो हान्जा असम गण परिषद दोलोनि मावथिफोरा गावनि दोलोनि साथाम गोजौ थाखोनि दैदेनगिरिमोना सि ए ए नि सायाव लानाय थिरांथायाव रागा जोंनायखौ नुनो मोनदों। हान्जानि मावथिफोरनि रागा जोंखांनायखौ नोजोर होनानै फुनि भुषन चौधुरिया बुङो दि जोंनि दोलोआ सि ए ए खौ बेरेखा खालामो। बेनि थाखाय दासान्दि जौसिन बिजिरसालि (Supreme Court) याव आर'जलाइ (Petition) गथायनाय जादों। जों जदिअ सोरखारनि लोगोयाव दं थेवबो नोगोरारि सोदांफिन्नाय आइननि हेंथायै जुजिनाया सोलिबाय थागोन होनना फोरमायो।

बेराफारसे थिं जाय आसामनि बारग' गिबि मन्थ्रि (Former EX CM) प्रफुल्ल कुमार महन्त बिथाङा थांनाय बावैसो सिगां दोलोनि साथाम दैदेनगिरिनि हेंथायै लानाय थिरांथाया दोलोनि थाखाय थारैनो लाजिनांथाव, दुखुनांथाव आरो गोहो लुबैसुला, आसाम सोमावसारनायाव लोब्बा गैयामोन बायदि अ'जद दैखांनायखौ फिन होनानै दानि आसामनि आदार जगाय बिफाननि मन्थ्रि फुनि भुषन चौधुरि बिथाङा बुंबावो आं आसाम सोमावसारनायाव लोब्बा दंमोन ना गैया बेखौ बङाइगावनि राज्यो-राजाया मोजाङै मिथियो। गोरोबथायाव मुंसाइ होनायनि उनाव बङाइगावाव नायगिदिंनायनि समावनो गिबि गिबियै मान बावहरदोंमोन होन्नानै फोरमायो फुनि भुषन चौधुरिया।

मख'जाथावदि गुवाहाटी नोगोरमानि गोजाम असम गण परिषद दोलोनि आफाद (Guwahati City AGP Unit) खौ मंग'लबार खालि हराव सिफायनानै बुधबार खालि गोदान आफाद दाफुंनाय जादों। गोदान आफादनि आफादगिरि राजेन मेधि आरो गाहाइ नेहाथारि महरै खनिन बरा आरो ड° तपन दासखौ सायख'नाय जायो। दासान्दि गोदानै दाफुंजानाय गुवाहाटी नोगोरमानि ए जि पि नि दैदेनगिरि मोना गाहाइ मावखुलियाव जानाय गंसे जथुमाव गावसोरनि बिबान आजावबाय ।

रायखांनो गोनां दि बै बिबान बानस'नाय हाबाफारियाव नोगोरारि सोदांफिन्नाय आइननि बेरेखा लामायाव आगान होनाय दोलोनि गागि दैदेनगिरि प्रफुल्ल कुमार महन्त, तेजपुर बिधान सभा बियाबनि बारग' एम एल ए बृन्दाबन गश्वामि , पाटासारकुसि बियाबनि एम एल ए पबिन्द्र डेकानि नुजाथिनायाव बिबान आजावनाय जायो।

Also Read :खेलो इण्डिया हाबाफारियाव जों हेंथा होआ, नाथाय सि ए ए नि हेंथायै सोमावसारनाया सोलिगोन : आसु

Also Watch: Anti-CAA protests: Tinsukia District Congress demands release of party workers

Next Story