Top
undefined
Begin typing your search above and press return to search.

हादोरसायाव मुवा-बेसादनि बेसेन बांनायखौ लानानै आसाम बिधान सभायाव दुंहाव थासारि

हादोरसायाव मुवा-बेसादनि बेसेन बांनायखौ लानानै आसाम बिधान सभायाव दुंहाव थासारि

Sentinel Digital DeskBy : Sentinel Digital Desk

  |  5 Dec 2019 7:49 AM GMT

Guwahati: हादोरसानि हाथाय बाजाराव सानफ्रोमबो गोनांथार जानाय मुवा बेसाद (Essential Commodities) नि बेसेन बांनायखौ सामलायनो हायैआव गाज्रि गोहोम गोग्लैदों। बेखौ लानानै गलाधाट बिधान सभा बियाबनि बेरेखा कंग्रेस दोलोनि एम एल ए (Opposition Legislator) अजन्ता नेउग बिथाङा मुवा बेसाद बांनाय (Price Rise) आयदानि सायाव बिधान सभा (Legislative Assembly ) नि जथुम्मायाव बुधबार खालि सोंथि दैखांङो। जाय बेसेन बांदेरनायनि जाउनाव गंफ्रोमबो नख'राव गोनो गोथो नुजादों। बेनि गुबै जाहोना जादों माखासे जायगायाव मैखोमै सिन्डिकेट सोलिनायनि थाखायनो बाजाराव बेसेन दबथायनायनि बायजोआव। मख'जाथावदि आसामाव हाबफैनाय ट्राक गारिफोरखौ लाखिनानै माखासे दुथां महरनि सुबुं हान्जाया आयेन बेरेखायै सिन्डिकेट थिखांनायाव लोब्बा दं होन्ना बिधान सभानि सावराय जथुमाव कंग्रेस एम एल ए अजन्त नेउगा गोख्रों अ'जद (Allege) दैखांङो । लोगोसे बिथाङा बेबादि हान्जाखौ सोरखारा दबथायनो थाखाय गोनांथार आयेनारि राहा लानांगौ होनना बुंथियो।

उनाव बेरेखा कंग्रेस एम एल ए (Congress Legislator) अजन्त नेउगा दिखांनाय सोंथिनि फिन्नायाव आदार जगायग्रा बिफाननि मन्थ्रि (Food & Civil Supplies Minister) फुनि भुषन चौधुरिया बुङो दि 2016 माइथाय हालागै राज्योआव कंग्रेस दोलोनि सोरखारा थानाय समावबो सानफ्रोमबो गोनांथार जानाय मुवा बेसादनि बेसेन बांलांदोंमोन। नाथाय दानि बेसेन बांनाया सिगांनि रुजुनायाव जोबोद बाङाइ होन्ना उल्थायैसो सोंखारिनानै बुंथियो। बेनि उनावनो मन्थ्रिनिफ्राय थि फिन्नाय (Reply) मोनैयाव लोगो लोगोनो बेरेखा दोलोनि एम एल ए मोना जथायै सोरखार बेरेखा स्ल'गान होयो। बेनि उनाव मन्थ्रि बिथाङा ब्लद गसंनानै बुङो दि बेरेखा दोलो जुनियायै कंग्रेस दोलोनि एम एल ए मोनखौ थांखिना बुङो नोंसोर बावगारनो नाङा, 2013 माइथायनि खुंथाइ समाव सेरफायाव सामब्राम गोजानि बेसेन 80 रांनि जांख्लायाव गाखोदोंमोन।

बेनि उनाव कंग्रेस दोलोनि एम एल ए मोना बिधान सभानि बायजोआव ओंखारनानै स्ल'गानजों गाबख्रावना बुङो दि 'बेसेन बांनायखौ खमाय' होन्ना खुद्रिसारो।

कंग्रेस दोलोनि एम एल ए मोना बायजोआव ओंखारनायखौ खेरखेराया लासे मन्थ्रि बिथाङा बुङो दि आसामाव सानफ्रोमबो 700 मेट्रिक टन (MT) सामब्राम गोजा (Onions) नि गोनांथार जायो। जिहेथु राज्योआव सामब्राम गोजानि आबाद मावनाय जाया, ओंखायनो बुर्जा बिबांनि जाग्रा आदार राजस्तान, गुजराट, महाराष्ट्र आरो सोनाब बंग (West Bengal) निफ्राय लाबोनो गोनां जायो। बेबादि हालोदाव दुलाराय भारत हादोराव सामब्राम गोजानि दिहुन्थायाव गोनो गोथो सावगारि नुजादों। दासिमाव राजस्थाननिफ्राय लाबोनाय सामब्राम गोजानि बेसेन 82 निफ्राय 84 रां गाखोदों। आरो आसामाव रोगानाय लेण्डिं प्राइस 90-92 रां जाबोदों।

बिधान सभानि बायजोआव कंग्रेस दोलोनि एम एल ए मोना जथुम्मायाव सोलिबाय खुद्रिसारबाय थादों गुबुन फारसेथिं जाय मन्थ्रि बिथाङा गावनि बिबुंथियाव आवगायलांबाय थादों, सोरखारा इजिप्तनिफ्राय 1160 मेट्रिक टन आरो टुर्किनिफ्राय 1,100 मेट्रिक टन सामब्राम गोजा लाबोनो थिरांथा लादों। दासिम हालागै जोंनि सोरखारा मिरु सोरखारा गोनांथार जानाय मुवा बेसाद बुर्जा बिबां नांगौथार जायो।

Also Read : मिरु सोरखारा आसाम गोरोबथाखौ खहा खालामनाय थिरांथानि फार्से आवगायदों : प्रफुल्ल कुमार महन्त

Also Watch: 12-wheeler lorry creates menace in Barpeta, Passes over Weak Wood Bridge despite Notice

Next Story