Guwahati : 2019 बोसोरनि जोबथा फारसे आसामनि थाखाय आरोबाव फैदों मोजां खौरां। राज्योनि सानै थुनलाइगिरि (Literatuer) या साहित्य एकाडेमिनि बान्थानि थाखाय गावनि मुं फारिलायाव सोफादेरनो हादों। बिसोर सानै लिरगिरिया जादों फारियै ड° जयस्रि गश्वामि महन्त आरो ड° फुकन चन्द्र बसुमतारीनि मुं फोसावनाय जादों। मख'जाथावदि बुधबार खालि भारतनि गासै मोन 23 राव (Language) नि थुनलायारि बान्था आवथेगिरिनि मुं फोसावनाय जायो।
अस'मिया थुनलाइ मुलुगनि राफोद थुनलाइगिरि साहित्य एकाडेमिनि बान्था (Sahitya Akademi Award) सायख'जाखानाय जयस्रि गश्वामी बिथाङा गावनि बिजिरसंनाय आयदानि सायाव बुथुमनाय जथाय बिजाब (Book) "सानैक्य " आरो ड° बसुमतारी बिथाङा बर' खन्थाइ जथाय बिजाब "आखाय आथुमनिफ्राय " नि थाखाय साहित्य एकाडेमिनि बान्था आवग्रिनो हायो।
बबेखानि बे सन्मान एबा बान्थानि थाखाय आं आबुङै गोजोननाय मोनाखै होन्ना खौरांगिरिनि सिगाङाव फोरमायो राफोद थुनलाइगिरि गश्वामिया।
दासिमाव सोलिबोबाय थानाय अस'मिया सुबुं माहारिनि गेजेराव नोगोरारि सोदांनाय आइन (Citizenship Amendment Act) खौ लानानै जा बेले बेजे गोनां थासारि सोलिगासिनो दं बै समावनो अस'मिया फरायगिरि (Reader)राज्यो-राजानिसिम फैदों गाहाम खौरां। गाज्रि थासारिनि बार आबुङै जोबस्लाबैयावनो थुनलाइनि फोथाराव सन्मान आवग्रिनाया थारैनो गोजोनथाव रादाब।
मख'जाथावदि हादोरनि राजथावनि गोदान दिल्ली (New Delhi) आव खुंफुंजानो गोनां फेष्टिभेल अफ लेटार मुंनि मोनसे रंगिनि संगिना हाबाफारियाव फैगो 2020 माइथायनि 22 फेब्रुवारियाव साहित्य एकाडेमिनि बान्था सायख'जाखानाय थुनलाइगिरि लिरगिरिफोरखौ रान्नाय जागोन। बै बान्थायाव थाफागोन 1 लाख रां, आल'वान आरो मान बिलाइ बावहरनाय जासिगोन।
लोगोसे थांनाय सप्ताहयाव जालांनाय नोगोरारि सोदांनाय आइननि हेंथायै राज्योनि सोरबिथिं दुंहाव थासारि एबा गुलुं गुजुं आबहावा सोरजिनायाव जिउ गोमालांनाय दुखुथिया सुबुंफोरनि नख'राव आंनि दोहोनखौ बावहरगोन होनना फोरमायो।
रायखांनो गोनां दि आसामनि बारग' गिबि मन्थ्रि (State Former Chief Minister) प्रफुल्ल कुमार महन्त बिथांनि अनजालि बिसि (Wife) ड° जयस्रि गश्वामि महन्तआ कटन फरायसालिमा (Cotton College) नि आजिरा लानाय बिबुंगोरा (Retired Professor)। थांनाय 2018 माइथायाव पद्मस्रि बान्थाखौ आवग्रिनो हादोंमोन।
गुबुन फारसेथिं जाय बे थुनलायारि बान्थानि थाखाय सायख' जानायाव आंखौ आबुङै गोजोन्नाय लाबोदों होनना खौरां गिरिजों
जानाय मुगा मुगि बुब्लियाव राफोद थुनलाइगिरि, लिरगिरि ड° फुकन बसुमतारी बिथाङा फोरमायो। बान्था आवथेगिरि बसुमतारी बिथाङा बर'लेण्ड मुलुग सोलोंसालि (Bodoland University) नि सिङाव थानाय बर' बिफाननि लोगो बिबुंगोरा (Associat Professor) महरै खामानि मावलांगासिनो दं।
बेराफारसे थिं जाय दुलाराय भारत कंग्रेस गागि दैदेनगिरि , सांसद (Congress MP, Writer) शशि थारुरखौ गावनि सोरजिलु सानथायनि बिथायाव रेबथुमनायनि थाखाय बान्था आवग्रिनो हायो। मनिपुर थुनलायावबो एल बिरमांगल सिं नि सल'मा बिजाब "इ आमादि आदुंगेइगि इथात" नि बान्था आवथेनो हायो ।
Also Read : मन्थ्रि हिमन्तखौ कंग्रेसा अहिंसा जाथायाव लोब्बा थानायनि फोरमान होनो चेलेन्ज होदों : रिपुन बराया
Also Watch: Students boycott exams in Bongaigaon opposing Citizenship (Amendment) Bill