दासिमाव हादोरनि खना खनलायाव गारि सालायगिरिजों लोगोसे सरासनस्रा राज्यो-राजानि गेजेराव गारि मथर आइन 2019 खौ लानानै सावरायनाय सोलिगासिनो दं। हादोरनि फ्राय राज्योआनो गारि मथर आइन सिफायग्राखौ गिलिर बिबांनि जुरिमाना जाबसिन्नायखौ मदद खालामदों।
बे थांखियै हादोरसाफोराव जानाय जथुमाव गोदान गारि मथर आइन नि मददाव गोरोबथा जादोंमोन। बे आइनखौ मोगथां महराव जाफुंसार होनायनि थाखाय माखासे राज्योजों जथुमबो खुंफुंनाय जादोंमोन। बेराफारसे थिं राज्योनि हान्था मेला बिफाननि मन्थ्रि लोब्बा गोनां रोगाग्रा जौगाखां गौथुमा गारि मथर आइन बेलायाव
2016 माइथायनि फ्राय मोनबा मिथिं खुंनाय जादोंमोन। बे गारि मथर आइननि बेलायाव दरसेबो राज्योनिफ्राय दानख'थाइ फिनजाथाय मोनाखै।
गारि मथर आइन सोदांनाय थांखिनि सायाव गुवाहाटी नोगोरमाजों लोगोसे दिल्ली, बेंगलुरु आरो धर्मशालायाव जथुम खुंफुंनाय जादोंमोन। बेनि उनाव बोहैथि बोसोरनि जुलाइ दानाव संसदाव बे आइना आजावजानाय नि उनाव 1 सेप्टेमबर निफ्राय खामानि मावफुं महर होयो। बेराफारसे थिं जौ लोंनानै गारि सालायोब्ला 500 निफ्राय 1000 रां आरो 4,000 आरो 10,000 रां जाबसिन्नाय जायो। जायनि जाउनाव गोबां गारि मथर आइनखौ नेवसिग्रा एबा सिफायग्रानि दोनथुमनाय रां खर्सा जासिन्दों।
बे राहायानो गारि मथर आइन सिफायग्रानि अन्जिमाखौ खमायगोन होन्ना मिजिंथिनाय जादों। बेराफारसेथिं जाय मिरुनि हान्था मेला बिफाननि मन्थ्रि नितिन गाडकारि आ बुंथियो बे आइनखौ लानानै खायफा राज्योफोराव दानख'थाय गोहोम खोख्लैदों। गासैबो आइनखौ मानिनानै लानो राजि जायाखै। बे आइना गुबुन गुबुन राज्योनि दिथा सुबरुन लानानैसो नाजावनायनि उनावसो जागायनाय जादों। गंफ्रोमबो राज्योनि दाजाबथाइ मदद मोननानैसो बे आइनखौ संसदाव बिल दैखांनाय जादों। जों राज्यो राजा एबा गारि सालायगिरिनि फार्से सांग्रांथि लाबोनाय आरो जिउ रैखाथिनि खालामनो थाखायसो थिरांथा लानाय जादों।
लोगोसे गाडकारि बिथाङा सोंथिहरो दि सुबुं माहारिनि जिउनि फारसे जोंनि जेबो बिबान गैया नामा? हादोराव जाबसिन्नाय आइनफोरखौ नोगोरारिफ्रा सिगिया ओंखायनो बे थासारि सोमजिनो हाबाय। मख'जाथावदि गारि मथर आइन नेवसिनानै लाख निबो बारा सालायगिरिया जुरिमाना एबा रां साजानि मुगामुगि जानो गोनां जादों। बादा बुसा राज्यो-राजानि गाहामनि थाखाय सोरखारा लानाय आयदाया माब्ला जाफुंसार जायो, बेखौसो गोसो होनांगौ खोथा।
Also Read: ब्रै बोसोर एखे जायगायावनो थानानै लिअ’ आ नागिरना मोनहैबाय गावनि बिगोमाखौ
Also Watch: Man beaten up in Tinsukia suspecting him to be child abductor | The Sentinel News | Assam News