कक्राझारः समाजाव निसा मुवा बेसाद आरो फेग्रा मुवा नागार नि हेंथायै सांग्रांथि फोसावनाय हाबाफारिआ खुंजादों। गाहायै बे हाबा फारिखौ फरायसा आरो लाइमोनफरनि थाखाय मोनसे लामा फावथिना दिन्थिनायजों फेग्रा मूवाफोरनिफ्राय गोजानाव थानो थाखाय बोसोन होदों
लामा फाव दिन्थि हाबाफारिया मोन्थिनो मोननाय बादिब्ला बडलेन्ड फरायसा आफादनि गेजेरजों कक्रझारनि बालाजान तिनआलि बाजाराव दिनै मावफुंजादों।
हाबाफारिखौ बडलेन्ड फरायसा आफादनि आफादगिरि देरहासासाद ब्रह्म बिथांआ दैदेनदोंमोन।
देरहासासाद ब्रह्म बिथांआ गाहायै बे खामानिखौ जोबोद गोनांथिनि लानानै बेखौनो फोरमायनाजों खावलायो जायनि थाखाय लाइमोनफोर आरो गोबां सुबुंफोरा बेफोर बादि समाजाव नुजानो हमनाय एबा जोनोम लानो हमनाय गाज्रि हुदाफोरखौ गैया खालामनाय हाबाफोराव बाहागो लानांगौ होनना।
बेजों लोगोसे जोंनि मेगनजों नुनो मोननाय गाज्रि निसा फेग्रा मुवा बेसाद बाहायनायखौ गैया खालामनाय एबा निसा नागार फोसावनाय हाबाफारिफोराव गोगोमै बाहागो लानांगौ।
बेफोर बादि खामानिखौ मावब्लासो फैगोन समफोराव बेफोर गाज्रि हुदाफोरा समाजाव जोबना थांगोन होनना बिथां बडलेन्ड फरायसा आफादनि आफादगिरि देरहासासाद ब्रह्म बिबुंथि लाखिओ।
Also Read : आसाम आबादारि मुलुगसोलोंसालिनि बान्जायनायाव साहा लक्षिमपुरआव सेरिकालसार दिन्थिफुंसालि खुंफुंदों
Also Watch: Special Branch for Home Guards inaugurated in South Salmara-Mankachar