Top
undefined
Begin typing your search above and press return to search.

गोलाव 36 बोसोरनि उनाव बिजिरगिरिनि खसाबाव बारग' गिबिमन्थ्रि तरुन गगै, "का" नि हेंथायै सुप्रिम कर्टाव सोहैबाय

गोलाव 36 बोसोरनि उनाव बिजिरगिरिनि खसाबाव बारग

Sentinel Digital DeskBy : Sentinel Digital Desk

  |  18 Dec 2019 10:17 AM GMT

Guwahati : नोगोरारि सोदांनाय आइनखौ लानानै सोमजिनाय दुंहाव थासारि सोमजिनाय जाथायखौ लानानै आसामनि गाहाइ बेरेखा राजखान्थि हान्जा कंग्रेसा सोरखारखौ सोंखारिनायखौ नुनो मोननाय जादों। आसामनि गुबुन गुबुन दोलो गौथुमनि बान्जायनायाव खुद्रिसारनाय हाबाफारि दिन्थिफुंनाय बादि आसाम प्रदेश कंग्रेस कमिटि सुंद'यै ए पि सि सि नि गोजौ थाखोनि दैदेनगिरि मोना बुंथियो दि जों माब्लाबाबो नोगोरारि सोदांनाय आइनखौ मानिनानै लानो हाया।

आसामनि गागि कंग्रेस दैदेनगिरि (Senior Congress Leader) आरो बारग' गिबि मन्थ्रि (Former CM) तरुन गगै बिथाङा सासे आयेन बिजिरगिरि ( Lawyer) नि महराव बुधबार खालि गोलाव हादोरनि जौसिन बिजिरसालियाव नुजाथिफैयो। मख'जाथावदि गगै बिथाङा बेले बेजे गोनां नोगोरारि सोदांनाय आइनखौ लानानै अ'जदलाइ थिसन्नायनि सायाव बान्बुंथाइ (Argue) होगोन।

रायखांनो गोनां दि कंग्रेस दोलोनि गागि दैदेनगिरि पि सिदामबरमखौ केसनि सायाव मदद खालामनायनि थांखियै बिजिरसालियाव सोहैदों गागि दैदेनगिरि तरुन गगै बिथाङा। थिग बिदिनो मोनथिनाय खौरांनि बादिब्ला 1983 मायथायाव बारग' गिबि मन्थ्रि तरुन गगैया गुबुन मोनसे केसाव आरगिउ नुजाथिदोंमोन। मख'जाथावदि एपेक्स कर्टआ फैगो बोसोरनि 22 जानुवारी हालागै दोनथ'नाय जादों।

गुबुन फारसेथिं जाय गिबि मन्थ्रि सर्बानन्द सन'वाल दैदेननाय हादोरसा जथाय सोरखारनि लोगो हान्जा असम गण परिषद, कंग्रेस दोलोनि गागि दैदेनगिरि जयराम रमेश, राज्य सभानि सांसद मनज झा आरो बायदि बायदिआ बेले बेजे गोनां नोगोरारि सोदांनाय आइननि हेंथायै आर'ज (Petition) गाबहरदों।

लोगोसे आसामनि कंग्रेस दोलोनि कलियाबर संसदारि बियाबनि सांसद (Parliamentarian) गौरब गगै बिथाङा गावनि टैइटार एकाउन्टनि गेजेरजों फोरमाय हरनानै बुङो दि आंनि बिफा आरो खेब थाम (3rd term) खुंथाइ गोहोयाव जिरायनाय गिबि मन्थ्रि तरुन गगैया दिनै सासे आयेन बिजिरगिरिनि खसाबाव नोगोरारि सोदांनाय आइनखौ बेरेखा खालामनानै बानबुंथाइ होनो जौसिन बिजिरसालियाव नुजाथिफैदों।

बेराफारसे थिं जाय खौरांगिरिजों जानाय मुगा मुगि बुब्लियाव बारग' गिबि मन्थ्रि तरुन गगैया फोरमायो दि नोगोरारि सोदांनाय आइन संबिजिद बेरेखा। बेनि सिगाङावबो मोनसे खौरां बिबुंथियाव हादोरारि नोगोरारि फारिलाइ आरो नोगोरारि सोदांनाय आइन मोननैयाबो दान्थे बिदान्थे गोनां आइन।

Also Read : नोगोरारि सोदांनाय आइननि हेंथायै कक्राझाराव जिला आमसुआ 4 धन्टा खुद्रिसारदों

Also Watch: RD Junior College Students Stage Massive Protest against CAB

Next Story