Guwahati: आसामनि ट्राइबेल माहारिनि जथाइ गौथुम अदेबानि सि सि टि अ ए आरो टिराप जिल्ला गावखुंथाइ गौथुम (Autonomous District Council) आ जथायै आसामनि गिबि मन्थ्रि सर्बानन्द सन'वाल बिथांखौ सुक्रबार खालि दैदेनगिरि थान्दै हान्जाया माखासे गोनांथार दाबिफोरखौ लानानै गांसे गोसोखांलाइ (Memorandum) गथायो।
कर्डिनेसन कमिटि अफ दि ट्राइबेल अर्गेनाइजेसन अफ आसाम सुंद'यै सि सि टि अ ए नि गाहाइ लिंथुमगिरि (Chief Coordinator) आदित्य खाख्लारि बिथाङा खुफुंनाय मोनसे खौरां मेलनि गेजेरजों गाहाइ दाबिफोरनि गेजेराव दं फारियै टिराप ट्राइबेल बेल्टनि हा खोन्दोखौ आयेन बेरेखा दखल खालामनायनि आवथानिफ्राय उदां खालामनाय। मख'जाथावदि बै हा खोन्दोआव गोबां अन्जिमानि आयेन बेरेखायै हाबसनफैग्रा गुबुनारिनि आवथायाव थानाय हालामा सेरखाय बेरखाय जालांदों। जेराव थागिबि सुबुं समाजा अल'खद जों भुगिनांनो गोनां जादों। ओंखायनो बै हा खोन्दोखौ सुबुं माहारिनि गांनाय उखैनाय आरो मान सन्मानखौ नोजोर लाखिनानै सोरखारखौ रैखाथि होनो दाबि खालामो। लोगोसे आयेन बेरेखायै गायसं जानाय साहा बागानफोरखौ आयेन मानिनानै गोख्रों राहाजों बन्द' खालामनो खावलायो।
गुबुन फारसेथिं जाय बै थागिबि सुबुं थानाय हालामाव आयेन बेरेखायै हाबसनफैग्रा गुबुनारिनि थांलाय-फैलाय एबा गिदिंनायखौ गोख्रों राहाजों होबथानाय आरो उदांयै खैला जावनायखौ बन्द' खालामनाय। टिराप जिला गावखुंथाइ गौथुम दाबिग्रा आफादा बे दाबिफोरखौ नोजोर लाखिनानै नागारनाय गैयि सोमावसारनाया गोख्रोंनिफ्राय गोख्रोंसिन हाबाफारि लादों। नाथाय दासिम हालागै सोरखारा नांगौ रोखोमनि जेबो राहा लायैआ दुखुनांथाव खोथा होन्ना अ'जद दैखांङो आदित्य खाख्लारि बिथाङा।
मख'जाथावदि कर्डिनेसन कमिटि अफ दि ट्राइबेल अर्गेनाइजेसन अफ आसाम सुंद'यै सि सि टि अ ए आरोबाव दाबि दैखांनानै बुङो दि हादोरसानि ट्राइबेल सुबुं माहारिनि गांनाय उखैनायखौ नोजोर लाखिनानै सोरखारा नांगौथार राहा आजावनो नांगौ। ट्राइबेल सुबुंनि गेजेराव राजखान्थियारि सांग्रांथि गोसार होनायाव थुलुंगाखां होनांगौ होन्ना फोरमायो। लोगोसे ट्राइबेल माहारिनि राव हारिमु दोहोरोम बायदि बिथिंआव भुगिनानै फैनाय जेंना जेंगोनाखौ गोजोर राहा लामाजों सुस्रांलांनायाव आगान लानांगौ।
आसाम अरुनाचल प्रदेशनि सिमना नांजाबफानाय हालामाव गुबुन गुबुन फिसा थागिबि ट्राइबेल सुबुं हारि (Mini Tribal Communities ) दं। बेफोरनि गेजेराव सिंफु, टांसा, सिमा, टाइ खामयां, टाइ खामटि, मिसिं, सन'वाल कसारि आरो देउरि। बै गासै सुबुं माहारिनि राव, दोहोरोम समाजखान्थिनि रैखाथि आरो थामोन्थाखौ होबथानो थाखाय सोरखारखौ नारसिनो।
Also Read: केबनि हेंथायै जांख्रिखांदों सा-सानजा हालाम ; फैगो 10 डिसेम्बराव नेस’आ बन्द’ फोसावदों
Also Watch: Singing Sensation Zubeen Garg participates in Cotton University’s ‘Ranahunkar’