जों थागिबि अस'मिया सुबुं समाजखौ संबिजिदारि रैखाथि होगोन : सर्बानन्द सन'वाल

Guwahati : आसामनि गिबि मन्थ्रि (CM) सर्बानन्द सन'वाल बिथांआ इंराजि गोदान बोसोरनि गिबि सानाव गागि खौरां बुथुमगिरि (Journalists) मोनजों जानाय मुगा मुगि बुब्लियाव नुजाबाय। खौरां गिरि मेल खुंफुंनायनि गेजेरजों सन'वाला रोखायै बुङो दि जोंनि सोरखारा नोगोरारि सोदांफिन्नाय आइन (Citizenship Amendment Act) खौ जाबसिन जायोब्ला माबोरै गोबां बोसोरनिफ्राय आलो गोजोनै जिउ खांनाय थागिबि सुबुं माहारिखौ रैखाथि होनो थाखाय हायो बेनि थाखाय मिरु सोरखारनिसिम थांखि दैथाय हरनाय जादों। राज्यो-राजाया साननि सोरांनि बादि रोखा रोखायै नुगोन जेब्ला नै आइना मोगथाङाव जाफुंसार जायो‌।

खौरांगिरिनि सिगाङाव फोरमाय हरनानै बुङो दि आं सासे थागिबि अस'मिया फिसा (Soil Of the Son)। नोंथांमोना आंखौ देरहाहोबाय, खुंथाइ गोहोयाव जिरायनाय खाबुखौ होबाय। होमब्ला आं बोरै आइन बेरेखा गुबुनारि (Migrants) खौ जोंनि सिथ्लायाव जिरायहोनो एबा जायगा होनो हायो। बेयो माब्लाबाबो जाथावथारनो हानाय नङा। जों दिनै नोंथांमोननि मदद हेफाजाब हरनायनि थाखाय मन्थ्रि (Minister) , एम एल ए (MLA) ,सुबुं थान्दै (Public Representative) नि मासियाव जिरायफैनो हादों। नोंथांनि मदद हेफाजाबजों आं माजुलिनि एम एल ए जाबाय। होमब्ला आं बोरै राज्यो राजाखौ फोथायखेबस' खालामनो हायो होन्ना बुंथियो।

मख'जाथावदि मैयानि खानापारानि आसाम एदमेनेष्ट्रेटिभ ष्टाफ कलेजाव खुंफुंनाय मेलावनो बुंहरो सोरबा सोरबाया आंखौ दिल्लीनि थिन्नाय बादियै खामानि मावलांबाय थादों होन्ना बुंदों बेयो नङा आं अस'मिया जानानै बोरै अस'मिया समाजनि बेरेखा खामानि मावनो हायो। हादोरारि राजखान्थि दोलोआव हाबजेन्दोंब्लाबो आंहा हारि, समाज, असम बिमानि फार्से मावनां बिबान दंखायो। लोगोसे आं जेब्ला हालागै गिबि मन्थ्रिनि मासियाव जिरायनानै थायो अब्ला हालागै थागिबि फिसाफोरा गिखांनायनि जाहोन गैया।

बेराफारसे थिं जाय जारिमिनारि आसाम गोरोबथानि सायाव सोंनायनि फिन्नायाव बुङो दि दफा नं 6 नि बिथायाव दाफुंजानाय गोजौ थाखोनि रौंगौसा कमिटिनि सायाव गोथौ फोथायनाय दं। बिसोरो हरनाय थिरांथाया थागिबि अस'मिया समाजखौ संबिजिदारि रैखाथि थामोन्थाखौ होगोन। लोगोसे नोगोरारि सोदांफिन्नाय आइन (Citizenship Amendment Act) नि असिला लानानै माखासे दुथां आखल आखुनि सुबुंआ नंखाय आरो गोरोन्थि लामाजों राज्यो-राजाखौ आन्दायहोदों। राज्योनि सिङाव थानाय साहा बागान आरो गामिफोराव गुबुनारि नोगोरारिखौ थाहैनो आश्रय आरो होगोन होन्ना फोरमायदों। बेरेखा दोलो कंग्रेस आरो लेफ्ट पार्टिया सुबुं सोमावसारनायखौ बांसावनो नागिरदों। गावनि राजखान्थियारि गांनाय उखैनायखौ सुफुंनो थाखाय बेबादि गेसाव थांखियाव नांथाबदों होन्ना सोंखारियो।

Also Read :आसामनि दावबायथिलियाव नोगोरारि सोदांफिन्नाय आइन बेरेखा सोमावसारनाया खहा लाबोदों

Also Watch: Minister Pijush Hazarika rebuts claims of paid crowd at BJP peace rally in Jagi Road