गुवाहाटि : आसामा हदोरसायाव अतल अमृत अभियाननि गेजेरजों बोसोरफ्रोमबो मुं लिरथुम बिलाइबादि 30,000 रोजा केनचार बेरामाव गाग्लोबजानाय बेरामिफोरखौ बेसेन नाङै देहा नायजिरनाया सोलिगासिनो दं। बे खामानिआव मोजाङैनो जाफुंनायखौ नुनो मोन्दों होनना आसाम हादोरसानि देहायारि सावस्रि आरो नखरारि अनसाय बिफाननि मन्त्रि हेमान्त बिश्वा शरमाया फोरमायदों। बेखौबो बिथां मन्त्रिआ फोरमायोदि बोहैबाय थानाय दाननि से नबेम्बरनिफ्राय अतल अमृत अभियाननि गेजेरजों मोन्द बेरामफोरखौ नायजिरनो हानायनि थाखाय थिसननाय जादों होनना मोन्थिहोयो। सासे बेरामिआ 2 लाख रांहालागै बेसेन होनांआ जासे अतल अमृत अभियाननि गेजेरजों बेराआम नायजानो हागोन।
बुधबार खालाराव खौरांगिरिफोरजों रायज्लायनाबादि "अभियाननि 60,000 रोजा बेरामाव गोग्लैसोना थाननायफोरनि गेजेराव 27,000 सुबुंआनो केनचार बेरामाव गोग्लैना दं , सोरखारा 60,000 रोजा बेरामिफोरनि देहा नायजिरथायनि थाखाय अभियाननि गेजेरजों 140 कौति रां खरसा खालामनो थाखाय बाजेद खाना लायो" होनना शरमाया बुङो।
अतल अमृत अभियाननि सिंआव कार्दलजि, निउरलजि, बार्न इनज्युर, किदनि आरो निअनाटेल बेरामफोराबो फैफायो। बे बोसोरनि नबेम्बर दाननि से अक्टनिफ्राय दं, आइ.चि.इउ (ICU) आव थानांनाय,14 बैसोर बैसोनि गथफोरा पाइदिआट्रिक बेरामजों साग्लोबजानाय, बन मेर' ट्रेनसप्लेन्टास्यन,जापानिस एनपिलितिस (JE), आरो ऐ.इ.एस (Acute Encephalitis Syndrome) जों बेफोर बेरामफोरखौबो अतल अमृत अभियाननि गेजेरजों नायजिरनो हानायनि राहा खालामगासिनो दं होनना शरमाया बुङो।
मोन्द' बेरामखौ अतल अमृत अभियाननि गेजेरजों नायजिरनो हानायनि राहाफोरखौ सोरखारि देहा फाहामसालिफोरनि अनगायैबो गाववारि (Private Hospital) देहाफाहामसालिफोराव नांगौबादियै थिसननाय जागोनखौ मोन्थिहोदोंब्लाबो नाथाय दान मोनसेनि उनफोरनिफ्रायसो जागोन। जायनि थाखाय जों एम.अ.इउ (MoU) गाववारि (Private Hospital) देहाफाहामसालिफोराव देहाफाहामथायनि सुबिदाथिफोरखौ खालामना होनायनि थाखाय गोरोबथि खालामनाय खामानिखौ मावग्रोनांगौनि गोनांथि दं ।
बेफोर फोसावथायजोंनो हादोरसायाव जापानिस एनपिलितिस (JE), आरो ऐ.इ.एस (Acute Encephalitis Syndrome) बेरामनि थाखाय जेरावबो बेसेन नाङा जासे देहा नायजिरजानो हागोन होनना मन्त्रि बिथांआ बुङो। जापानिस एनपिलितिस (JE) नि भिकसनफोरखौ बोसोरनि थाखाय नेनांगौ जायो जायनि थाखाय बेखौ बुहुमाव जापानावलसो मोननो थाङो, बेफोरखौ जेबो गनायथाव फोरमायथि मोनाब्ला हादोरफोराव लाबोनो हाया होनना शरमाया बुङो।
जों जापानिस एनपिलितिस (JE) नि भिकसोनखौ 2.5 कर (Core) लाबोनो थाखाय थि खालामबाय गासै 25 लाख भिकसोन। फैबाय थानाय डिसिम्बर दानाव बेखौ दैथायहरनाय जागोन होनना जापाननि दिहुनगिरिआ मोन्थिहोदों लोगोसे आद्रा थानायखौ 2020 माइथायनि जुलाय दानसिम दैथायहरनाय जागोन होनना फोरमायो।
ए.आइ.आइ.एम.एस (AIIMS) नि खामानि मावबायथानायनि गेजेरजों "आसाम हादोरसाया बे मावबिथांखिनि हाबाफारिया 25 जौखोन्दो जाफुंनायाव 250 कौति रां खरसा जाबा। माखासेखौ मिरुवारि सोरखारनि गेजेरजों खरसा खालामनायनि खोथा। ए.आइ.आइ.एम.एस (AIIMS) 2021 माइथायनिफ्राय मैखोम खामानि मावगोन होनना जों फौथायो" होनना मन्त्रि बिथांआ बुङो।
"हादोरसायाव जायफोर देहा फाहामग्रा दक्टरफोर सोरखारि आरो मेडिकेल कलेजफोराव मावनाय दक्टरफोरनि थाखाय जेंना नुनायफोरखौ नोजोर लाखिगासिनो दं" मन्त्रि बिथांआ बुङो। बिबान बादि खामानि मावै दक्टरफोरखौ नोजोर होनानै बिबानिफ्राय जों बोखादों होननाबो बुंबावो।
