गुवाहातिः कंग्रेसा CAB आरो NRC नि सायाव माखासे खोथाफोरखौ बांद्राय बुंनायनि जाहोनाव आसाम राङारि बिफाननि मन्त्रि हिमान्त बिश्वा सरमाया थांनाय मंगलबाराव बेखौनो फोरमायोदि जायफोरा NRC आव थालांबाय एबा मोनाखैसै जायनि थाखाय बेयो सोलिबाय थानाय बि.जे.पी हान्जाया बेखौ खालामाखै आरो उनाव CAB (2016) खौ पारलिमेन्ताव पास खालामनांगौखाय खालामदों बेबो नङा होनना बुङो।
आसाम बराख भेलिनि बेंगलि हिन्दु कमन्युति डमिनेत राताबारि नि मोनसे सुबुं हान्थि हाबाफारियाव बिथाङा बेखौबो बुंथियोदि अक्तबर नि 21खालाराव फैबायथानाय बिजाथिआव BJP हानजानि बिजाथि महरै बिजय मालाकारनि थाखाय मन्त्रिआ दादिंहैयो।"कंग्रेस हान्जाया CAB खौ जाफुंहोनायाव नाजानो हागौ,जायफोरा NRC आव थिसनजायाखै बिसोरखौ लाना खर' सानो हागौ, CAB नि फारसे सावरायनाया मोखां जाब्लाबो बेयाव जेबो लोब्बा थानाय नङा" होनना हिमान्ता सरमाया बुङो।
आसाम बेंगलि हिन्दु सरासनस्रायै बराक बेलिनि मुं थिसन बिलाइनि गेजेरजों 31 आगष्तनि NRC सानखोआव 1.9 मिलियन सुबुङानो थिसनजायाखै। बे बादिनो BJP हान्जाया बे माइथायनि जानुवारि दानाव पारलियेमेन्तनि गेजेरजों CAB पास जानो गोनांखौ फेलें खालामो।माखासे नायबावनो गोनां आरो फोसाबावनांगैखौ नायनानै फैगोन बोसोराव बेखौ सावरायज्लायनालनि खोथा बुङो। बे मोनथाइयाव थांखि लानाय बादियै जायफोर माइनरितफोर जेरै हिन्दुफोर,शिख,बुध्दिश,जैन,पारिस आरो जायफोरा आफगानिश्तान,पाकिश्तान आरो बांलादेस ख्रिष्तियानफोरा मोनथाय गोनां बिसोर भारतारि गोग्गी नोगोरारिजानो थाखाय मुं थिसननो हागोन।
थांनाय 15 बोसोर कंग्रेस हान्जाया राइजो दैदेननायाव मसलमानफोर थैग्लुंनाया फैबाय थानाय बिसायखथिखौ लाना बिसोरनि गेजेराव मोनसे गिथावना महर जाना फैदों,गाहायै कक्राझार,उदालगुरि आरो मंगलदै हालामाव।
कंग्रेसा बेखायनो हिन्दु,मसलमान,बर' सुबुंफोरखौ बाहागो राननानै खेला गेलेनो नागिरदों होनना हिमान्त सरमाया बुङो।मिनिस्तारा बेखौबो बुंजाबफायोदि आसामाव BJP खुंथायनिफ्राय सासेबो मसलमान सिथाराखै, जायनि थाखाय आसामखौ जौगाहोनायाव भत होनायावसो हान्जाया नाआगिरदों।
जों राइजोनो होनो नागिरो- गेस,थाग्रा न,AAM, बेसेन नाङै देहा नायजिरनाय,बेसेन नाङै सोलोंथाय होनायखौ, नाथाय कंग्रेशा नागिरो गिखांहोनो होनना बियो बुङो। सरमाया बेखौबो बुंबावोदि कंग्रेश आरो AIUDF हान्जानि गेजेराव बादध्रुददिन आजमलखौ हादोरनि गाहाय मन्त्रि बानायनो नागिरदों होनना बुङी।जोंनि अहा लानाय हाङा जोबथा महर लाब्लाबो आजमलखौ आसामनि गाहाय मन्त्रि जाहोनो हानाय नङा होनना बुंदेरबावी।
