Kokrajhar : बर' थुनलाइ बाख्रियाव बिहोमा जगायलांनाय सोरजिनानै मेंनो रोङि जोहोलाव राफोद थुनलाइ गिरि , टेगर बान्था आरो थुनलायारि बान्था आवथेगिरि बर' थुनलाइ आफाद (Boro Sahitya Sabha) नि बारग' आफादगिरि ब्रजेन्द्र कुमार ब्रह्मखौ देग्लाय नि 16 थि बड'फा उपेन्द्र नाथ ब्रह्म सुबुंथिनि फाइखि बान्था (Upendra Nath Brahma Soldier's Award) गथायनाय जाबाय।
मिरु दुलाराय बर' फरायसा आफाद (All Bodo Students Union) गाहाइ मावख' अदेबानि बड'फा नोगोराव बान्जायनाय रंगिना संगिना हाबाफारियाव गेदेमा थुनलाइगिरिखौ मान बावनाय जायो। बड'फा उपेन्द्र नाथ ब्रह्म ट्राष्ट (Upendra Nath Brahma Trust) आ दुलाराय बर' फरायसा आफाद नि हेफाजाबाव बान्था रान्नाय हाबाफारियाव गाहाइ आलासि महरै नुजाथिफैयो बर'लेण्ड मुलुग सोलोंसालि (Bodoland University) नि भाइस चेन्सेलर (Vice Chancellor ) लाइस्रोम लाडुसिं, मिरु एबसुनि आफादगिरि प्रमद बर', बर' थुनलाइ आफादनि आफादगिरि (President) तरेन बर', राज्य सभानि बारग' सांसद (Ex.Perliamentarian) उर्खाव गोरा ब्रह्म, गेदेमा थुनलाइगिरि (Noted Literatuer ) ब्रजेन्द्र कुमार ब्रह्मआ लोरबां देहायाव फाहामथाइ लाखांनाय (Treatment) नि नोजोर लाखिनानै बिथांनि बिसि (Wife) कौशल्य ब्रह्म जों लोगोसे गोबां गुनगोनां मेलेम जिबि सुबुं (Educationist) फोरा बाहागो लाफैयो।
मख'जाथावदि बै गोबां साननिफ्राय लोरबां जब्रा देहाखौ फाहामथाइ लाना थानाय बर' थुनलाइनि अलंबार ,जोंथि हाथर्खि आरो गागि थुनलाइगिरि ब्रजेन्द्र कुमार ब्रह्मखौ बान्था रान्नाय हाबाफारियाव कक्राझार सोरखारि फरायसालिमानि आगु गोरायुं (Former Principal) सुरत नार्जारि बिथांआ आफादगिरि (Chairman) नि मासि लानानै सामलायनाय हाबाफारियाव बड'फा उपेन्द्र नाथ ब्रह्म ट्राष्ट (Upendra Nath Brahma Trust) आ बराय बिबुंथि लाखियो। गेदेमा ब्रह्मखौ रान्नाय बान्था (Award Conferring Ceremony) आव नोगोद धोन, मानबिलाइ, आर'नाइ दं। ह्रांख्राय हरजानाय माननि आलासि (Guest of Honour) महरै नुथाथिफैनानै बर' थुनलाइ आफादनि आफादगिरि तरेन बर'आ बुङो दि राव हारिमु थुनलाइ गैयालासे मोनसे हारिया थांनानै एबा फोथांनानै थानो हाया। जायनि नाजानायाव बर' थुनलाइ बाख्रिखौ जौगाखांनानै दावखोलांनायाव बिहोमा (Contribution) होलांदों। लोगोसे थाबथाबैनो गाज्रि देहायारि हामखांना (Cured) फैथों बे थांखि जों आफा अबंलावरिनो आर'ज गाबहरो।
