गुवाहाटी,डिसेम्बर 28: भारतनि मुं थिसनगिरि रेजिस्तार जेनेरल अव इन्डीया (आरजीआइ) बिफाना फैगौ बोसोरनि 30 जुन 2019 नि सिगांआ नेशनेल रेजिस्तार अव सिटिजेनसिवनि मोनफ्रोमबो खामानिफोरखौ फोजोबनायखौ हास्थायदों।
एनआरसीनि खामानि मावफुंनाय खामानिआव बेबादिनो सम खानानै होनाया गोनां मानोना सिगां 30 डिसेम्बर 2018 खौ जोबथा सम खानानै होदोंमोन नाखाय खामानिफोरखौ फोजोबनो हायाखै।
जुदि नांगौ जायोब्ला आरजीआइआ गोदानै थि सम खानानै होफिनगोन होन्ना फोसाव बिलाइनि गेजेरजों मिथिहोयो। बिथांमोनहा मिथिहोदोंदि, आसाम हादोरसायाव 1951 माइथायनि एन आर सीखौ नोजोर होनानै गोदानै सोदांफिन्नाय, जि खामानिफोरा सोलिगासिनो दं, बेफोर खामानिफोरखौ फैगौ बोसोरनि 30 जुन 2019 नि सिगां फोजोबहैनांगौ।
आरजीआइ आ भारत सरकारनि मोनसे खुंफुं आफाद, जाय आफादआ एन आर सीनि थाखाय थि सम खानानै होनो मोन्थाय द। नाथाय जौसिन बिसिरसालिनि बिथोन बादियै खामानिफोरा सोलिबोगासिनो थानायलाय जोबथा एन आर सी मावफुंनायनि समखौ थि खालामनानै होगोन।
