आसामाव नोगोरारि सोदांफिन्नाय आइन (Citizenship Amendment Act ) खौ लानानै सोमजिनाय गुलुं गुजुं थासारिखौ नोजोर लाखिनानै गाहाइ मन्थ्रि नरेन्द्र मडिनि आसामाव फैनाया केनसेल जाबाय। मख'जाथावदि सुक्रबार खालि गुवाहाटी नोगोरमायाव सोलिबाय थानाय खेलो इण्डिया नि 3 थि खोलोब (Edition) नि हाबाफारिखौ बेखेवनायनि खोथा दंमोन।
दासान्दि आसामनि थासारिया गाहाइ मन्थ्रि ( PM) नि नायगिदिंनायनि थाखाय जाथावथार नङा, मानोना दासिम हालागै आसामनि दाब दाब जायगायाव नागारनाय गैयि जासे सोमावसारनाय हाबाफारिया सोलिगासिनो दं होन्ना मोनसे सुलुंङाव फोरमायजादों।
